بلدنا نيوز
فن وثقافة

الصافى عبدالله يكتب: عاشق

الصافى عبدالله
الصافى عبدالله

( عاشق )                            
عاشق ولون الأرض لونى
عاشق وعشقك فرحى وشجونى
قمرى وشمسى نورى ويقينى
لو غبت عنك يوم بلاقينى
بفكر فيكى وحنينى بيكوينى
خايف أموت غريب 
بعيد عنك يدفنونى 
لقيتنى بروح للموت 
حروف اسمك بتحبينى
لفيت بلاد وبلاد ورجعت نادم
مليش غير حضنك يدفينى
بلدى وأهلى زادى وميتى وطينى
عاشق وعشقك دمى شرايينى
عاشق انا اللمة على الزواد
فى وسط الدار فى بيت سيدى
عاشق انا احبابى فى ساعة الفرح
بالاحضان ياخدونى
عاشق أنا ليكى فى ساعة الحزن
كل الناس تواسينى
عاشق يا احلى حبيبه اناجيها تناجينى
لو تهت منى فى يوم انا فيكى بلاقينى
عاشق يا اجمل صوره مرسومه قصاد عينى
عاشق يا مصر واسمك تاج منقوش على جبينى
عاشق يا مصر واسمك تاج منقوش على جبينى

بلدنا نيوز

فن وثقافة